ხორავას საპარლამენტო კომისიის მიმდინარეობისას, საპარლამენტო უმრავლეობის ლიდერმა არჩილ თალაკვაძემ ,,ევროპული საქართველოს’’ რეკომენდაციები შეაფასა და საპარლამენტო უმცირესობის წევრები პოლიტიკურ პირებზე ისრების გადატანაში დაადანაშაულა.
,, ჩავარდნა, შეგახსენებთ მათემატიკიდანაც და ლოგიკიდანაც ნიშნავს როცა შედეგი არის ნოლი. მაგრამ ამ საქმეში როდესაც ორი არასრულწლოვანი არის მოკლული, ერთთან დაკავშირებით მკვლელობაში პირი მსჯავრდებულია მეორესთან დაკავშირებით მკვლელობის მცდელობაში არის მსჯავრდებული და საქმე კიდევ აპელაციაში გრძელდება, უბრალოდ ვერც მათემატიკურად და ვერც ლოგიკურად ამას ჩავარდნას ვერ დავარქმევთ. ამაზე უბრალოდ დაფიქრდით კიდევ ერთხელ.
ბატონ გახარიას რაზე ედავებით ჩამოყალიბდით. ამ დასკვნაში გიწერიათ, მინისტრმა რომ გააკეთა განცხადებაო, თქვენი ლოგიკა ესეთია ამან შეაფერხა გამოძიება, ხელი შეუშალა, იმის მერე არაფერი არ ჩატარებულა პრაქტიკულადო. პირდაპირ გეუბნებით, საქმეშიც ჩანს ეს- დოკუმენტურად დასაბუთებულია, რომ სწორედ მინისტრის განცხადების შემდეგ დეკემბერშივე ასეულობით საგამოძიებო მოქმედება არის ჩატარებული, 490 მდე საგამოძიებო მოქმედება. რაც ნიშნავს რომ მინისტრის განცხადების შემდეგ არათუ შეფერხდა და შეჩერდა საქმე, არამედ პირიქით საქმის ძიება გაგრძელდა ინტენსიურად. შესაბამისად, ამ კონკრეტულ საკითხში თუ მას ედავებით, ეს პრაქტიკულად გაბათილებულია. აქედან მე მგონი უფრო სხვა დასკვნაზე გავდივართ.
რეალურად თქვენ საზოგადოებას წინასწარ მიეცით მაღალი ავანსები, გააკეთეთ ხმამაღალი განცხადებები, შექმენით მოლოდინები, რომ ეს კომისია დაადგენდა რაღაც ისეთს, რაც გამოძიებამ ვერ მოახერხა ძირითადი შედეგის თვალსაზრისით.
დღეს, როცა უკვე კომისია ამთავრებს მუშაობას ფაქტია, რომ კომისიაში თქვენ ეს შედეგი ვერ დადეთ და ეხლა ცდილობთ რომ პოლიტიკურ პირებზე ისრების გადატანით და მინისტრზე ხმამაღალი საუბარით, ერთზე, მეორეზე და მათი პასუხიმგებლობის დაყენებით გინდათ რომ ეს გადაფაროთ, მაგრამ მოდით გახსნილად ვთქვათ, ის რაც დავადგინეთ. ხარვეზები რაც ჩანს ვილაპარაკოთ ამაზე. ის რომ პოლიტიკური პასუხიმგებლობა უნდა აიღოს მინისტრმა იმაზე რაც არ მომხდარა, ეს არის ჩემი აზრით სრულიად უსაფუძვლო და უსამართლო და კომისიის საქმიანობას ეს აზიანებს.’’- განაცხადა არჩილ თალაკვაძემ.