ხვალ ერთმანეთს საქართველოს ეროვნული ნაკრების და ლატვიის გუნდები ერთმანეთს დაუპირისპირდებიან.
საქართველოს ეროვნული ნაკრების მთავარმა მწვრთნელმა, ვლადიმირ ვაისმა, ხვალინდელი მატჩის წინ პრესკონფერენცია გამართა, სადაც გუნდის მომზადების და გურამ კაშიას ირგვლივ განვითარებულ მოვლენებზე ისაუბრა.
„კაშია საუკეთესო ადამიანი და ჩვენი გუნდის გამორჩეული მოთამაშეა. იმედია, ხვალ ყველაფერი კარგად წარიმართება, ჩვენ კი გურამს გვერდით ვუდგავართ. ახლა ჩვენი საზრუნავი არის მხოლოდ და მხოლოდ თამაში და ფეხბურთი”, – განაცხადა ვაისმა.
რაც შეეხება ლატვიის ნაკრებს, ვლადიმერ ვაისის შეფასებით, მეტოქე დაცვაში ორგანიზებულად თამაშობს.
“რაც შეეხება მეტოქეს – ლატვიის ნაკრებს, რომელმაც პირველი შეხვედრა ფრედ დაასრულა, შეიძლება ითქვას, რომ დაცვაში ორგანიზებულად თამაშობს და ამიტომ ყაზახეთისგან განსხვავებით, სხვანაირად მოგვიწევს თამაში, სხვანაირი პრესინგის მიმართვა და ა.შ.”, – განაცხადა ვლადიმერ ვაისმა.