ქეთი მელუას საპატიო თბილისელის წოდება მიენიჭა. ამის შესახებ ევროპის მოედანზე მიმდინარე კონცერტზე თბილისის მერმა, კახი კალაძემ განაცხადა.
კონცერტზე შეკრებილებმა და თბილისის მერმა ქეთი მელუას დაბადების დღე მიულოცეს. მელუას დღეს 34 წელი შეუსრულდა.
ქეთი მელუა თბილისში დედაქალაქის მერიის პროექტ „თბილისის ცის ქვეშ“ ფარგლებში ჩამოვიდა. ქეთი მელუა ქართველი მსმენელის წინაშე თავის ბრიტანულ ჯგუფთან ერთად ძველი და ახალი ჰიტებით წარდგა.
ქართველ მომღერალს, რომელიც ლონდონში მოღვაწეობს, 2003 წლიდან რვა სტუდიური ალბომი აქვს გამოშვებული. მსოფლიოში მომღერლის 11 მილიონზე მეტი დისკია გაყიდული.
კომენტარები