შინაგან საქმეთა მინისტრმა გიორგი გახარიამ ნატო-ს გენერალური მდივნის მოადგილეს, როუზ გოტემოლერს ოფიციალურ ვახშამზე უმასპინძლა.
შეხვედრაზე მხარეებმა განიხილეს ნატო-საქართველოს თანამშრომლობის ფარგლებში არსებული პრიორიტეტული მიმართულებები. გიორგი გახარიამ ყურადღება გაამახვილა საზღვაო უსაფრთხოების განმტკიცების თვალსაზრისით ნატო-ს მუდმივმოქმედი შენაერთების საქართველოს საზღვაო სივრცეში ვიზიტების მნიშვნელობაზე. მინისტრმა ასევე ისაუბრა სუფსის საზღვაო ოპერაციების ერთობლივი მართვის ცენტრსა და ნატო-ს საზღვაო ოპერაციების ცენტრს შორის არსებულ თანამშრომლობაზე.
გიორგი გახარიამ ხაზგასმით აღნიშნა, რომ საქართველო, როგორც ნატო-ს სტრატეგიული პარტნიორი, მზადაა წვლილი შეიტანოს შავი ზღვის აუზის რეგიონის მშვიდობისა და უსაფრთხოების საკითხებში.
კომენტარები