თბილისის მერმა კახა კალაძემ დედაქალაქის მთავრობის სხდომაზე თქვა, რომ თბილისში ტაქსების ფერთან დაკავშირებით თბილისის ხელმძღვანელობამ გადაწყვეტილება უკვე მიიღო.
კალაძის თქმით ტაქსები თეთრი ფერის იქნება. მისივე თქმით, მძღოლებს ვალდებულება, რომ მოქალაქეებს ტაქსით მომსახურება თეთრი ფერის მანქანებით შესთავაზონ, 2019 წლის მეორე ნახევრიდან ექნებათ.
კახა კალაძის თქმით, ამასთან ერთად ტაქსის მანათობელს მერია ტაქსის მძღოლებს უფასოდ გადასცემს. მისი თქმით, ტაქსები უფასო პარკინგითაც ისარგებლებენ და ავტომობილებზე განთავსდება რეკლამა, რაც დამატებითი შემოსავალი იქნება მძღოლებისთვის. დედაქალაქის მერი აცხადებს, რომ გრძელდება ტაქსების რეგისტრაცია:
“ამ ეტაპზე გაცემულია 6200-ზე მეტი ნებართვა”, – განაცხადა კალაძემ.
კომენტარები