საქართველოს კულტურული მემკვიდრეობის დაცვის ეროვნული სააგენტოს დაფინანსებით 2018 წელს დასრულდა მესტიაში, შალიკო რატიანის მაჩუბის სარეაბილიტაციო სამუშაოების პირველი ეტაპი.
შესრულებული სამუშაოების შედეგად, ტერიტორია გაიწმინდა ნანგრევებისაგან , მოიხსნა საპირე წყობა და სახურავის ხის კონსტრუქციები. გაითხარა მიწა ხელით ,საძირკველების გასამაგრებლად, რისი გამაგრებაც შემდგომ მოხდა რკინა-ბეტონით. მოეწყო ყავრის სახურავი , რკინა ბეტონის სარტყელი, აშენდა ქვის კედლები, კირ-ცემენტის ხსნარზე არსებული ქვის 30 % ის გამოყენებით, გამოიცვალა სართულშუა გადახურვა და აივნის ხის კონსტრუქციები, მოხდა ფასადის კედლების მობათქაშება კირის რთული ხსნარით.
სვანეთის კულტურული მემკვიდრეობის ძეგლების დაცვისა და მოვლა-პატრონობის სტრატეგიული პროექტის ფარგლებში, კულტურული მემკვიდრეობის დაცვის ეროვნული სააგენტო სარეაბილიტაციო სამუშაოებს მესტიის მუნიციპალიტეტის სხვა სოფლებშიც ახორციელებს, სადაც გასული 4 წლის განმავლობაში უკვე აღდგა 80 – მდე სვანური კოშკი და მაჩუბი. არსებული მონაცემებით, სვანეთში შემორჩენილი კულტურული მემკვიდრეობის ძეგლებიდან, გადაუდებელ რეაბილიტაციას 150 – მდე კოშკი და მაჩუბი საჭიროებს.
