სომხეთის მთავრობა დათმობებზე წასვლას არ აპირებს. რამდენიმე წუთის წინ განცხადება გააკეთა შს მინისტრის პირველმა მოადგილემ, რომელმაც თქვა, რომ ამ დროისთვის გათავისუფლებულია ორი მძევალი, ერთი პოლიციელი და ერთი სასწრაფო სამედიცინო დახმარების თანამშრომელი.
ჰუნან პოღოსიანის განცხადებით, მოლაპარაკებები ამ დრომდე მიმდინარეობს და თუ შეიარაღებული ჯგუფი პოზიციებს არ დათმობს, მაშინ ხელისუფლება შენობის შტურმით აღების გადაწყვეტილებას მიიღებს.
“ამ დროისთვის პოლიციის შენობაში 4 მძევალი რჩება. მოლაპარაკებები ჯერ კიდევ გრძელდება, რადგან არც ერთი მხარე დათმობას არ აპირებს. შეიარაღებული ჯგუფი ცდილობს, გვაიძულოს სეფილიანი გავათავისუფლოთ და მათ შევახვედროთ, მაგრამ ეს არ მოხდება. თუ ისინი დათმობაზე არ წამოვლენ, სხვა გზა არ დაგვრჩება და სპეცოპერაციის დაწყების გადაწყვეტილებას მივიღებთ,”– განაცხადა სომხეთის შს მინისტრის პირველმა მოადგილემ.