ჩვენ საზოგადოებას დავანახეთ, რომ მათი გზავნილი მიღებულია, – ამის შესახებ ჟურნალისტებს პარლამენტის თავმჯდომარემ ირაკლი კობახიძემ განუცხადა.
“არჩევნების პირველი ტურის შემდეგ ჩვენ ვნახეთ, რომ ბევრი რამ შესაცვლელი იყო. საუბარია როგორც გუნდის, ისე შტაბის მუშაობაზე. ამ კუთხით ბევრი რამ შეიცვალა. გაუმჯობესდა მენეჯმენტი საარჩევნო შტაბში. გარდა ამისა, ჩვენ საზოგადეობის წინაშე სხვადასხვა ინიციატივით წარვდექით. აქ საუბარი არ არის მაინც და მაინც სოციალურ ინიციატივებზე“, – განაცხადა კობახიძემ არჩევნების მეორე ტურის შედეგების შეფასებისას.
კობახიძის თქმით, სხვადასხვა მიმართულებით აქტიური მუშაობა გაგრძელდება. “ჩვენი მომავალი საქმიანობის უმთავრესი მიმართულება იქნება განახლება, გადახალისება და ეფექტური მუშაობა ყველა კუთხით მომდევნო ორი წლის განმავლობაში – 2020 წლის არჩევნებამდე“, – აღნიშნა ირაკლი კობახიძემ.