ანი ნადარეიშვილი სოციალურ ქსელში პოსტს აქვეყნებს.
“2005 წლის 8 დეკემბერს, შსს-ს სპეციალური ოპერატიული დეპარტამენტის თანამშრომლებმა თბილისში, ე.წ. ჭრელ აბანოში სპეცოპერაცია ჩაატარეს, სადაც პატიმარი, “კანონიერი ქურდი” დავით ქურასბედიანი, იგივე “წრიპა” დააკავეს. რომელსაც 7 წლით თავისუფლების აღკვეთა ჰქონდა მისჯილი და ამ გადაწყვეტილების თანახმად, “ჭრელ აბანოში” კი არა, ციხეში უნდა ყოფილიყო. “წრიპას” ციხიდან “გოგირდის აბანოებში” გასეირნებას იუსტიციის მაშინდელი მინისტრის კოტე კემულარიას და სასჯელაღსრულების დეპარტამენტის თავმჯდომარის შოთა კოპაძის თანამდებობები შეეწირა.
2005 წლის დეკემბრის ბოლოს სასჯელაღსრულების დეპარტამენტის თავმჯდომარედ შოთა კოპაძის ნაცვლად დაინიშნა ბაჩო ახალაია, რომელმაც ომი გამოუცხადა “ქურდულ სამყაროს” და აქ რომ ბევრი არ ვწერო, ყველამ კარგად ვიცით რა შედეგიც დადო მალევე 26 წლის ბიჭმა.
მაგრამ ამ პოსტით რისი თქმაც მინდა არის ის, რომ ბევრ კორუმპირებულ ჩინოვნიკს ბაჩო ახალაიას გაბედულმა ქმედებამ გადაუკეტა შავი ფულის შემოდინების წყარო, მათ შორის კოტე კემულარიასაც როგორც ჩანს, ვინაიდან როგორც მან დღეს განაცხადა, სააკაშვილის გუნდიდან მისი წასვლის მიზეზი თურმე ბაჩო ახალაია იყო. მეტი სხვა შეხება კოტე კემულარიას ბაჩო ახალაიასთან გარდა ზემოხსენებული ე.წ. “წრიპას ინციდენტისა” არასოდეს ქონია. (მითუმეტეს თუ გავითვალისწინებთ იმ ფაქტსაც, რომ კოტე კემულარიას წინააღმდეგ კორუპციის დანაშაულებზე 4 სისხლის სამართლის საქმე იყო აღძრული პროკურატურაში).
ასე რომ ლოგიკურია, როგორ შეიძლება კოტე კემულარიას მოწონებოდა ბაჩო ახალაია, როდესაც კემულარიას ჰყავდა შოთა კოპაძე, რომელიც მოსწონდა კიდეც და შეხმატკბილებულად მუშაობდა კიდეც მასთან”.