ხონში მთავარი ნაძვის ხე დაიწვა. ადგილობრივ მუნიციპალიტეტში ამბობენ, რომ ნაძვის ხეს ცეცხლი გამთენიისას 04:00 საათზე წაეკიდა, თუმცა რა გახდა ხანძრის გამომწვევი მიზეზი მათთვის უცნობია.
“დაახლოებით, დილის 4 საათისთვის ნაძვის ხე იწვოდა, გამოძახებული გვყავდა შესაბამისი სამსახური. ცხადია ნაძვის ხე ანთებული იყო, მაგრამ გამომწვევი მიზეზი ჯერჯერობით დაუდგენელია”, – განმარტავენ ხონის მუნიციპალიტეტის მერიის პრესამსახურში.
ხონის მთავარი ნაძვის ხე ქალაქის ცენტრში იდგა, მერიაში განმარტავენ, რომ ხვალიდან უკვე ახალი ნაძვის ხის დადგმის სამუშაოებს დაიწყებენ.
კომენტარები