საბურთალოს რაიონის გამგებლის გაიოზ ვასაძის განცხადებით, კორპუსის მდგრადობასთან დაკავშირებით მუნიციპალური ლაბორატორიის დასკვნა საღამოს იქნება მზად.
„ამ დროისთვის მიმდინარეობს საგამოძიებო მოქმედებები, მუნიციპალური ლაბორატორია მუშაობს კორპუსის მდგრადობასთან დაკავშირებით, რათა ჩვენ დარწმუნებით ვიცოდეთ, რომ მოსახლეობის შეყვანის შემდეგ არანაირი პრობლემა არ შეიქმნება. ამ წუთებისთვის 31 ადამიანი გვყავს გადაყვანილი სასტუმროებში, ისინი უზრუნველყოფილი არიან ყველანაირი საკვებით. ეს ის ადამიანები არიან, ვისაც ალტერნატიული ფართი არ აქვთ. გუშინ პირადი ნივთები 46 ოჯახის წევრმა გამოიტანა. დღეს ეს პროცესი გაგრძელდება. საღამოსკენ გვეცოდინება ლაბორატორიის დასკვნები და ამის შემდეგ დაიგეგმება სხვა ღონისძიებები“, – განაცხადა გაიოზ ვასაძემ.
კომენტარები