ქუთაისში საზოგადოებრივი საპირფარეშოს დახურვას პარტია „თავისუფალი საქართველოს“ ორგანიზაციის თავმჯდომარე გოგი წულაია აპროტესტებს. მისი თქმით, საპირფარეშოს არ არსებობის გამო ქალაქში ანტისანიტარიაა და მოსახლეობა იძულებულია, ბიოლოგიური მოთხოვნილება ქალაქის მთავარ ბულვარში დაიკმაყოფილოს.
„როგორ შეიძლება მერიის წინ, ქალაქის მთავარ ბულვარში არსებული ტუალეტი დაკეტილი იყო. ქუთაისის მერი, გიორგი ჭიღვარია მისი სამუშაო კაბინეტიდან უყურებს, როგორ მიდის ხალხი დაკეტილ ტუალეტთან და შემდეგ რა გზებს ეძებს მოსახლეობა, რომ სადმე მოშარდოს. ქუთაისის მერმა ტუალეტის პრობლემა ვერ მოაგვარა და ქალაქის გამოწვევებს როგორ მიხედავს?!”– განაცხადა გოგი წულაიამ.
ქუთაისის მერიაში კი აცხადებენ, რომ საზოგადოებრივი ტუალეტის მოწესრიგებაზე ზრუნვა მომდევნო კვირიდან დაიწყება.
კომენტარები