საქართველოს ფუტსალის ეროვნულმა ნაკრებმა მსოფლიო ჩემპიონატის შესარჩევი ეტაპი გამარჯვებით დაიწყო. ავთანდილ ასათიანის გუნდმა თბილისის ოლიმპიურ სასახლეში გერმანიას უმასპინძლა და 5:1 დაამარცხა.
ანგარიში მე-11 წუთზე რონინიომ პენალტით გახსნა. მალევე საქართველოს ნაკრების უპირატესობა ორამდე გაიზარდა, არჩილ სებისკვერაძის დარტყმული ბურთი საკუთარ კარში სოზერმა ჩაჭრა. შეხვედრა ქართველთა შეტევებით გაგრძელდა და მე-17 წუთზე სიმი საიოტიმ მეტოქის კარი მესამედ აიღო.
მეორე ტაიმში ქართველებმა კიდევ 2 გოლი გაიტანეს. 32-ე წუთზე გერმანელებს არჩილ სებისკვერაძემ გაუტანა. მალევე, 33-ე წუთზე კი, დუბლი სიმი საიოტიმ გაიფორმა. საბოლოო ანგარიში 39-ე წუთზე გერმანიის ნაკრებმა დააფიქსირა, საკუთარი გუნდის რამდენიმე სვლიანი კომბინაცია შედეგიანი დარტყმით ჰაკან ერდემმა დაასრულა.
მსოფლიო ჩემპიონატის შესარჩევი ეტაპის D ჯგუფის შეხვედრებს თბილისის ოლიმპიური სასახლე მასპინძლოს. ჯგუფის მეორე შეხვედრაში ერთმანეთს დანიისა და ისრაელის ნაკრებები დაუპირისპირდნენ. შეხვედრა ფრედ 1:1 დასრულდა.
პირველი ტურის შემდეგ ჯგუფის ლიდერი სამი ქულით საქართველოს ნაკრებია. მეორე-მესამე ადგილებს თითო ქულით დანია და ისრაელი იყოფენ, გერმანიის ნაკრები კი ბოლო ადგილზეა. შემდეგ ეტაპზე თამაშის უფლებას ორი საუკეთესო გუნდი მოიპოვებს.
მსოფლიო ჩემპიონატის შესარჩევი რაუნდის მეორე ტურის შეხვედრები 31 იანვარს თბილისის ოლიმპიურ სასახლეში გაიმართება. 17:30 საათზე ერთმანეთს გერმანია და დანია დაუპირისპირდებიან, 20:30 საათზე კი, წინააღმდეგ საქართველოსა და ისრაელის შეხვედრა გაიმართება. მატჩებზე დასწრება თავისუფალია.