ახალმა ორსართულიანმა მატარებელმა თბილისი-ბათუმის მიმართულებით პირველი რეისი შეასრულა. შვეიცარული ფირმა “შტადლერის” მიერ დამზადებული მატარებელის ყველა ბილეთი გაიყიდა და დღეს აჭარას 400-ზე მეტი ტურისტი ეწვია. ბათუმის რკინიგზის სადგურში ახალ მატარებელს აჭარის მთავრობის თავმჯდომარე და ხალხი დახვდა.
ახალი მატარებელი მხოლოდ სამ სადგურში ურეკში, ქობულეთსა და ბათუმში გაჩერდება და მანძილს თბილისიდან ბათუმამდე 5 საათში დაფარავს. ორსართულიანი, ევროსტანდარტების შესაბამისი ოთხი მატარებელის ღირებულება 40 მილიონ ევროს უტოლდება.
„შტადლერის“ ფირმის მატარებლების მგზავრობის საფასური იგივეა: მეორე კლასი – 23 ლარი, პირველი კლასი – 40 ლარი, ბიზნეს კლასი – 55 ლარი.
გასვლის განრიგი კი ასეთია: თბილისი (9:10) – ბათუმი (14:09), თბილისი (18:20) – ბათუმი (23:19);
ბათუმი (7:35) – თბილისი (12:30), ბათუმი (17:05) – თბილისი (22:00)