12 მარტს, ახმეტაში ცეცხლის ჩაქრობისას დაღუპული სახანძრო-სამაშველო სამსახურის თანამაშრომელი პატივით მშობლიურ სოფელში დაკრძალეს.
სოფელ ქისტაურში პატივის მისაგებად შსს-ს საგანგებო სიტუაციების მართვის სამსახურის უფროსი თემურ მღებრიშვილი, საგანგებო სიტუაციების მართვის სამსახურის უფროსის პირველი მოადგილე ლევან ღირსიაშვილი, შინაგან საქმეთა მინისტრის მოადგილე ლევან კაკავა, პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი და სხვადასხვა ქალაქებიდან ჩასული მეხანძრე-მაშველები ჩავიდნენ.
უბედური შემთხვევა ახმეტის მუნიციპალიტეტის სოფელ ნადუქნარში იმ დროს მოხდა, როდესაც 34 წლის მაშველი სოფლის სასაფლაოზე გაჩენილი ხანძრის ჩაქრობას ცდილობდა. მას მეუღლე და მცირეწლოვანი შვილი დარჩა.
არსებული ინფორმაციით, კაცს მოძრავ სპეცდანიშნულების მანქანაზე ასვლისას, ფეხი გაუცურდა და მანქანამ ქვეშ მოიყოლა. ის ადგილზე გარდაიცვალა.
