მორიგი შეფერხება თბილისის მეტროში – მეტროსადგურ „300 არაგველზე“ მგზავრებს მატარებლის ვაგონი დაატოვებინეს, მიზეზი მათთვის არ განუმარტავთ, მატარებელი ჩიხშ გადაიყვანეს, მგზავრები კი სხვა შემადგენლობაში გადაიყვანეს.
არსებულ ვითარებას დედაქალაქის მერი კახა კალაძე გამოეხმაურა:
„შემთხვევით არ არის ის ცვლილებები რაც ჩვენ გვაქვს დაწყებული განახლების თვალსაზრისით, მეტროს ვაგონების რეაბილიტაცია იმიტომ, რომ ძირითადად არის ძველი ვაგონები. საბჭოთა კავშირის დროინდელი. ჩვენ გასულ წელს დავიწყეთ ეს პროგრამა, რომ განვახორციელოთ მათი რეაბილიტაცია. წელს მე ვფიქრობ რამდენიმე დღეში უკვე გამოვაცხადებთ ტენდერს რეაბილიტაციაზე, განახლებაზე. ეს იქნება ორი შემადგენლობა, დაახლოებით 15 ვაგონის სრული განახლება მოხდება და ეს პროცესი გაგრძელდება რომ მაქსიმალურად ის პრობლემები, რაც ჩვენ გვაქვს ვაგონების თვალსაზრისით, იყოს მოწესრიგებული,“-განაცხადა კახა კალაძემ.