საქართველოს პრეზიდენტის ადმინისტრაციის ხელმძღვანელმა, ლაშა ჟვანიამ დღეს პრეზიდენტის სასახლეში მომხდარ ლაფსუსთან დაკავშირებით კომენტარი გააკეთა.
მისი თქმით, სიაში თამარ ჭოველიძის გვარი ნამდვილად იყო.
„ეს იყო ტექნიკური საკითხი, მაგრამ, როგორც ნახეთ, პრესსპიკერმა მერე წაიკითხა გვარები. არ მინახავს მამის პროტესტი, მაგრამ ეს იყო ტექნიკური შეცდომა და სიაში ნამდვილად იყო ჩაწერილი თამრიკო ჭოველიძე“, – განაცხადა ლაშა ჟვანიამ ჟურნალისტებთან საუბრისას.
ცნობისთვის, საქართველოს პრეზიდენტის, სალომე ზურაბიშვილის მიერ 9 აპრილთან დაკავშირებით გამართული ოფიციალური მიღება 9 აპრილს დაღუპული ერთ-ერთი მოქალაქის, თამარ ჭოველიძის მამამ პროტესტის ნიშნად დატოვა. პროტესტის მიზეზი ის გახდა, რომ პრეზიდენტს დაღუპულთა სიის ამოკითხვისას თამარ ჭოველიძის გვარი არ წაუკითხავს.
საქართველოს პრეზიდენტმა, სალომე ზურაბიშვილმა 9 აპრილისადმი მიძღვნილი მიღება სახელმწიფო ცერემონიების სასახლეში გამართა.
ლაშა ჟვანია – ეს იყო ტექნიკური შეცდომა
2019/04/09 20:11:12
კომენტარები
ნანახია: 625 ჯერ