ნარკოდანაშაულისთვის დაკავებულ მსახიობსა და ბიზნესმენს, ლევან ჯიბღაშვილს ბრალი გააცნეს.
ჯიბღაშვილს ბრალი დიდი ოდენობით ნარკოტიკების შეძენა-შენახვა-გადაზიდვა-გადაგზავნისთვის ედება.
როგორც ლევან ჯიბღაშვილის ადვოკატმა ჟურნალისტებთან საუბრისას განაცხადა, ნარკოტიკები ნამდვილად მსახიობის მანქანიდან ამოიღეს, თუმცა აკრძალული ნივთიერება მისი არ ყოფილა.
„ექსპერტიზამ დაადგინა, რომ მანქანიდან ამოღებული ნივთიერება ნარკოტიკული საშუალებაა“, – განაცხადა ადვოკატმა.
ადვოკატის თქმით, ჯიბღაშვილი გამოძიებასთან თანამშრომლობს.
შეგახსენებთ, რომ ნარკოდანაშაულის ბრალდებით ცნობილი ბიზნესმენი და მსახიობი, ლევან ჯიბღაშვილი გუშინწინ საღამოს დააკავეს.
შს სამინისტროს პრესსამსახურის ინფორმაციით, გამოძიება სისხლის სამართლის კოდექსის 260-ე მუხლის პირველი ნაწილით მიმდინარეობს, რაც ნარკოტიკული საშუალების შეძენა-შენახვას გულისხმობს.