სიტყვიერი და ფიზიკური დაპირისპირება პარლამენტში – ერთმანეთს “ნაციონალური მოძრაობის” წევრი, ნიკა მელია და საპარლამენტო უმრავლესობის დეპუტატი ზაზა პაპუაშვილი დაუპირისპირდნენ.
დაპირისპირება პლენარული სესიის დაწყებამდე, დერეფანში მოხდა. დეპუტატებმა ერთმანეთს პოლიტიკური წარსული შეახსენეს. როგორც ნიკა მელიამ ჟურნალისტებს განუცხადა, არ აპირებს მოითმინოს ზაზა პაპუაშვილისგანშეურაცხყოფა.
“ბევრი რამ შერჩა ზაზა პაპუაშვილს და არ ვაპირებ, დეპუტატად წოდებულის მხრიდან ლანძღვა გინების მოთმენას, რა გაუკეთებია?!” – განაცხადა მელიამ.
რაც შეეხება უმრავლესობის დეპუტატს, ზაზა პაპუაშვილი ამბობს:
„ნიკა მელია, იცით რაც არის და ვინც არის. გამოიწვია ის, რომ ეს მომხდარიყო – მიკროფონები და კამერა. რაც მისაღებია, მიიღო. კიდევ მიიღებს თავისი უზრდელობისა და უტაქტობისთვის. არჩევნები ახლოვდება და ამ თემების აწევა უნდა“, – განაცხადა ზაზა პაპუაშვილმა.