ამ დროსათვის, საპენსიო სქემაში 761,454 დასაქმებული პირია ჩართული, აკუმულირებულია 200 მილიონი ლარი, დანაზოგს უკვე დაერიცხა სარგებელი 1 მილიონი ლარის ოდენობით – ამის შესახებ ინფორმაცია საპენსიო სააგენტოდან გვაცნობეს.
მათივე ინფორმაციით, საპენსიო სქემიდან მოქალაქეთა მხოლოდ 2% გავიდა.
თუმცა, საპენსიო სქემაში ჩართულია 50 000-ზე მეტი კომპანია.
“მოქალაქეთა მომართვიანობა მაღალია და ისინი, ძირითადად, საპენსიო სააგენტოს კონსულტაციისათვის მომართავენ. ადგილზე მოსული დასაქმებულების უმეტესი ნაწილი აზრს იცვლის, სქემაში დაბრუნების მსურველი საკმაოდ ბევრია. კანონი გვაძლევს უფლებას, მსურველები ხელმეორედ გავაწევრიანოთ იმისათვის, რომ მოქალაქეებს სრულფასოვანი დანაზოგის გაკეთების შანსი მიეცეთ. საპენსიო სქემაში ხელმეორედ გასაწევრიანებლად მოქალაქეებმა უნდა მიმართონ დამსაქმებელი ორგანიზაციის ბუღალტერს”, – აცხადებენ საპენსიო სააგენტოში.
საპენსიო დანაზოგს 1 მილიონი ლარის სარგებელი დაერიცხა
2019/05/02 14:26:12
ნანახია: 517 ჯერ