ქობულეთში, ძალოსნობის საერთაშორისო ფედერაციის ეგიდით, 2018 წლის მსოფლიოს საუკეთესო ძალოსნების დაჯილდოების ცერემონია გაიმართა. კაცებს შორის 2018 წლის საუკეთესო ძალოსანი ზედიზედ მეორედ ოლიმპიური, მსოფლიოსა და ევროპის ჩემპიონი, მსოფლიო რეკორდსმენი, ლაშა ტალახაძე გახდა.
რაც შეეხება ქალებს, 2018 წლის საუკეთესო ძალოსანი ესპანელი ლიდია ვალენტინი გახდა, რომელმაც ეს საპატიო ჯილდო მესამედ მოიპოვა.
წლის საუკეთესო მამაკაცი და ქალი ძალოსნების ვინაობის გამოსავლენად ძალოსნობის საერთაშორისო ფედერაციამ საკუთარ ვებგვერდზე გამოკითხვა ჩაატარა. გამოკითხვაში 30 ათასამდე ადამიანი მონაწილეობდა, მათგან ტალახაძეს ხმა დაახლოებით 17 800-მა, ლიდია ვალენტინმა კი 13 ათასი ხმა დააგროვა.
იმედინიუსი
კომენტარები