მთავარია, რომ ამ საკითხს მშვიდად შევხედოთ და მოლაპარაკებების რეჟიმში გადავწყვიტოთ ყველა ის საკითხი, რომელიც დავით გარეჯის მონასტერთან არის დაკავშირებული, – ამის შესახებ პარლამენტის თავმჯდომარე ირაკლი კობახიძემ განაცხადა.
ირაკლი კობახიძემ დღეს დავით გარეჯში მიმდინარე პროცესებთან დაკავშირებითაც გააკეთა კომენტარი და აღნიშნა, რომ ადგილზე სამართალდაცველების მობილიზება საჭირო გახდა იმისთვის, რომ დაცული იყოს წესრიგი და რაიმე ტიპის პროვოკაცია არ მოხდეს.
„ჩვენ საქმე გვაქვს მეგობარ სახელმწიფოსთან, აზერბაიჯანთან და არსებობს ყველა რესურსი იმისთვის, რომ აბსოლუტურად სწორად გადაწყდეს ეს საკითხი. სასურველია, რომ დაველოდოთ ოფიციალურ ფორმატს და ამის შემდეგ შეიძლება სხვა ტიპის ზომებზე ვიმსჯელოთ”, – აცხადებს ირაკლი კობახიძე.
კომენტარები