“შალვა შავგულიძე არის კაცი, რომელმაც პირველად დაარღვია ტაბუ და გაბედა, პოლიტიკური მომავალი დაეკავშირებინა “ნაცმოძრაობის“ წიაღიდან წამოსულ პოლიტიკურ ძალასთან”

შალვა შავგულიძე არის ის კაცი, რომელმაც პირველად დაარღვია ტაბუ და გაბედა, პოლიტიკური მომავალი დაეკავშირებინა „ნაციონალური მოძრაობის“ წიაღიდან წამოსულ პოლიტიკურ ძალასთან „ევროპულ საქართველოსთან“, დააღვია ეს ტაბუ და ეს არის წინ გადადგმული ნაბიჯი, – ამის შესახებ „ნაციონალური მოძრაობის“ წევრმა, დეპუტატმა აკაკი ბობოხიძემ პარლამენტის პლენარულ სხდომაზე განაცხადა.

როგორც აკაკი ბობოხიძემ აღნიშნა, დღემდე „ქართული ოცნება“ არსებობს მხოლოდ ერთი ნარატივით, რომ გაკარება არ შეიძლება „ნაციონალურ მოძრაობასთან“.

„მინდა, მივმართო მთაწმინდელ ამომრჩეველს, განსაკუთრებით იმას, ვინც ხმა მისცა ოპოზიციის სხვა კანდიდატებს და არა შალვა შავგულიძეს. შალვა შავგულიძე არის კაცი, რომელმაც პირველად დაარღვია ტაბუ და გაბედა პოლიტიკური მომავალი დაეკავშირებინა „ნაციონალური მოძრაობის“ წიაღიდან წამოსულ პოლიტიკურ ძალასთან „ევროპულ საქართველოსთან“, დააღვია ეს ტაბუ და ეს არის წინ გადადგმული ნაბიჯი. დღემდე „ქართული ოცნება“ არსებობს მხოლოდ ერთ ნარარტივით, რომ გაკარება არ შეიძლება ძველ „ნაციონალებთან“, – განაცხადა ბობოხიძმე.

დეპუტატმა მიმაფრთა ოპოზიციის წევრებს და აღნიშნა: „მეორე ტურში თქვენი რომელიმე კანდიდატი რომ გასულიყო, ჩვენ რა თქმა უნდა, მზად ვიყავით მხარი დაგვეჭირა, რადგან ამ ბოროტების წინააღმდეგ უნდა გაერთიანდეს სრულიად საქართველო, რასაც „ქართული ოცნება“ ჰქვია. ჩვენ მზად ვიყავით, მხარი დაგვეჭირა, როგორ აპირებდა თქვენი კანდიდატი გამარჯვებას, ჩვენი მხარდაჭერის გარეშე? სადაც ელოდებოდით, რომ ჩვენ დაგიჭერდით მხარს, ამაღლდით ვიწროპარტიულ ინტერესზე, გაბედეთ და მხარი  დაუჭირეთ არა „ევროპულ საქართველოს“ და „ნაციონალური მოძრაობას“, არამედ შალვა შავგულიძეს“, – განაცხადა აკაკი ბობოხიძემ.