საქართველოს და პოლონეთის პრეზიდენტებმა ტელეფონით ისაუბრეს. სალომე ზურაბიშვილის პრესსამსახურის ცნობით, ქვეყანაში მიმდინარე პროცესებზე საუბრისას ანჯეი დუდამ საქართველოს გვერდში დგომა და დახმარება აღუთქვა.
მისივე თქმით, პოლონეთი საქართველოს მეგობარია. საქართველოს პრეზიდენტმა განაცხადა, რომ სიტუაცია წყნარდება და მმართველ პარტიას სურს შეასრულოს საპროტესტო აქციის მოთხოვნა, რომელიც საარჩევნო სისტემის ცვლილებას უკავშირდება.
ზურაბიშვილმა მადლობა გადაუხადა პოლონელ კოლეგას გვერდში დგომისა და ქვეყნის ევროინტეგრაციის გზაზე მხარდაჭერისთვის. საუბრის ბოლოს საქართელოს პრეზიდენტმა იმედი გამოთქვა, რომ საქართველოს ბევრი პოლონელი ტურისტი ესტუმრება. სატელეფონო საუბარი ანდჯეი დუდას ინიციატივით გაიმართა.
კომენტარები