შემოთავაზებული საარჩევნო სისტემა არის ძალიან წინ გადადგმული ნაბიჯი, – ამის შესახებ „სამოქალაქო მოძრაობის“ წევრმა, ალექსანდრე ელისაშვილმა „ქართული ოცნების“ ინიციატივასთან დაკავშირებით განაცხადა.
ელისაშვილის თქმით, ქვეყანა ისტორიული ნაბიჯს დგამს და ემშვიდობება შემაფერხებელ, ფეოდალურ მაჟორიტარულ სისტემას.
მისი შეფასებით, მაჟორიტარი დეპუტატების უმეტესობა წლების განმავლობაში საკანონმდებლო ორგანოში ხმას არ იღებდა და პარლამენტში ფულის საკეთებლად იყო.
ალექსანდრე ელისაშვილი „სამოქალაქო მოძრაობის“ პოლიტიკურ პარტიად გარდაქმნასა და მომდევნო არჩევნებში მონაწილეობას არ გამორიცხავს.
კომენტარები