არჩილ თალაკვაძე საქართველოს პარლამენტის თავმჯდომარედ აირჩიეს. თალაკვაძის საკანონმდებლო ორგანოს სპიკერის თანამდებობაზე არჩევას მხარი დღევანდელ პლენარულ სესიაზე 94-მა დეპუტატმა დაუჭირა, წინააღმდეგი კი არცერთი წასულა. რეგისტრაცია პარლამენტის 101-მა წევრმა გაიარა.
კენჭისყრას „ნაცმოძრაობისა“ და „ევროპული საქართველოს“ წევრები არ ესწრებოდნენ.
შეგახსენებთ, რომ არჩილ თალაკვაძემ პარლამენტის თავმჯდომარის თანამდებობაზე ირაკლი კობახიძე შეცვალა, რომელმაც აღნიშნული პოსტი რამდენიმე დღის წინ დატოვა.
ცნობისათვის, მეცხრე მოწვევის პარლამენტში არჩილ თალაკვაძე საპარლამენტო უმრავლესობის ლიდერი იყო. 2014 -2016 წლებში ის შს მინისტრის მოადგილის თანამდებობას იკავებდა. 2012-2014 წლებში კი სასჯელაღსრულების მინისტრის მოადგილე იყო.
კომენტარები