საქართველოს განათლების, მეცნიერების, კულტურისა და სპორტის სამინისტრო აცხადებს, რომ ყველა აბიტურიენტის ინტერესი და განათლების მიღების უფლება დაცული იქნება.
ამის შესახებ განცხადებაშია აღნიშნული, რომელსაც სამინისტრო აფხაზეთის საოკუპაციო რეჟიმის მიერ ენგურის ხიდის ჩაკეტვასთან დაკავშირებით ავრცელებს.
ამასთან, სამინისტროს განცხადებით, მიმდინარეობს მუშაობა კონკრეტულ გეგმაზე შექმნილი პრობლემის გადასაჭრელად და საკითხი უახლოეს მომავალში მოგვარდება.
„ენგურის ხიდზე მდებარე ე.წ. გამშვები პუნქტის ჩაკეტვასთან დაკავშირებით ვაცხადებთ, რომ ყველა აბიტურიენტის ინტერესი და განათლების მიღების უფლება იქნება დაცული.
საქართველოს განათლების, მეცნიერების, კულტურისა და სპორტის სამინისტრო სახელმწიფოს სხვა უწყებებთან ერთად, მუშაობს კონკრეტულ გეგმაზე შექმნილი პრობლემის გადასაჭრელად და საკითხი უახლოეს მომავალში მოგვარდება, დაცული იქნება ყველა აბიტურიენტის ინტერესი და მათ აუცილებლად მიეცემათ უმაღლესი განათლების მიღების შესაძლებლობა“, – აღნიშნულია განცხადებაში.