„თუ ეს აქცია, რეალურად, აპარტიულია და რადიკალურად განსხვავებული აზრის მოსმენა შესაძლებელია, ჩვენ მოვალთ და ვისაუბროთ“, – მიმართავენ POSTV-ის ანალიტიკოსები – გური სულთანიშვილი და ბაჩო ოდიშარია აქცია „სირცხვილიას“ ორგანიზატორებს.
„აქციამ შეიცვალა ფორმატი და მედიაპლატფორმად გადაკეთდა, სადაც იწვევენ განსხვავებული მოსაზრებების მქონე ადამიანებს. ჩვენ, ანალიტიკის შემოქმედებით ჯგუფს, გვქონდა იდეა, ჰარდთოქის გადაცემები ჩვენთან გაგვეკეთებინა და აქცია „სირცხვილიას“ ორგანიზატორები მოგვეწვია, რადგან ჩვენ ამ თემებზე დამოუკიდებლად ვლაპარაკობთ და ბევრად უკეთესი იქნება, თუ მათთან ვისაუბრებთ. თუ გინდათ, ჩვენთან მოსვლამდე ჩვენ მოვალთ თქვენთან და ვისაუბროთ. კონკრეტული კითხვები ჩვენც გვაქვს და თქვენც გექნებათ. თუ ეს აქცია, რეალურად, აპარტიულია და არის იმის შესაძლებლობა, რომ რადიკალურად განსხვავებული აზრის მოსმენა განსხვავებული შეხედულებების ადამიანებს შორის ცივილურ ფორმატში მოხდეს, ჩვენ შეგვიძლია, მოვიდეთ და ვისაუბროთ აქციების ირგვლივ არსებულ თემატიკაზე“, – მიმართავენ გური და ბაჩო აქციის ორგანიზატორებს.
გური და ბაჩო „სირცხვილიას“ ორგანიზატორებს: თუ ეს აქცია, რეალურად, აპარტიულია და არის რადიკალურად განსხვავებული აზრის მოსმენის შესაძლებლობა, ჩვენ მოვალთ და ვისაუბროთ
2019/07/24 16:07:21
ნანახია: 1961 ჯერ