“ომი არ დაწყებულა 2008 წლის აგვისტოში, ომი და წინააღმდეგობა დაიწყო გაცილებით უფრო ადრე, როდესაც ჩვენმა ქვეყანამ, ფაქტობრივად, გამოაცხადა დამოუკიდებლობა”, – ამის შესახებ დღეს გამართულ პრესკონფერენციაზე თავდაცვისა და უშიშროების კომიტეტის თავმჯდომარის მოადგილემ, კობა კობალაძემ განაცხადა.
მისი თქმით, 2008 წელი იყო, რეალურად, ამ ქვეყნის ინტერესების საწინააღმდეგოდ მიმართული პროცესების ერთობლიობა.
“იმაზე, რომ რუსეთი აგრესორი, მტერი და ოკუპანტია ჩვენი ქვეყნის გარკვეული ტერიტორიების ნაწილისა, არავინ დავობს და კითხვის ნიშნები არ ჩნდება. ის ფაქტი, რომ ვინმე ამ თემაზე უსაზღვროდ და უკიდეგანოდ აპელირებს, უკვე იწვევს აგრესიას. თუ მივყვებით ქრონოლოგიას, თუ როგორ ვითარდებოდა პროცესები თუნდაც პროფესიონალური თვალსაზრისით, ან სტრატეგიული ხედვით, აღმოვაჩენთ, რომ საკმაოდ ბევრი კითხვაა, ხოლო პასუხები – საკმაოდ მცირე”, – განაცხადა კობალაძემ.
როგორც დეპუტატი აღნიშნავს, აგვისტოს ომის დროს ჩვენი შენაერთების ოპერატიულ-ტაქტიკურ სივრცეზე მოქმედებები იყო გაუაზრებელ-გაუთვლელი პირადი შემადგენლობა, ძირითადად, თავის თავგანწირვისა და გმირობის მაგალითზე წერდა იმ დღეებში საქართველოს რეალურ ისტორიას. ეს იყო როგორც ჯგუფური, ისე – ინდივიდური გმირობის მაგალითები.
“ომი არ დაწყებულა 2008 წლის აგვისტოში, ომი და წინააღმდეგობა დაიწყო გაცილებით უფრო ადრე, როდესაც ჩვენმა ქვეყანამ დამოუკიდებლობა გამოაცხადა”
2019/08/02 15:18:38
ნანახია: 410 ჯერ