„რუსთავი 2-ის“ ყოფილი ფინანსური დირექტორი კახა დამენია მთავარ პროკურატურაში დაკითხვაზე იმყოფება. ის გამომძიებლების შეკითხვებს „რუსთავი 2-სა“ და „ინტერმედიას“ შორის, ფინანსური ოპერაციების დეტალებზე აწვდის ინფორმაციას.
აღსანიშნავია, რომ დამენია, ტელეკომპანიაში, ფინანსურ სამსახურს 2015 წელს ხელმძღვანელობდა.
კახა დამენია აღნიშნავს, რომ დანაშაული არ ჩაუდენია.
„ნებისმიერ კითხვაზე გავცემ პასუხს იმიტომ, რომ ყველაფერი იყო წესრიგში, სწორად და არაფერი ისეთი არ იყო, რაზეც რაიმე დასამალი იყოს. ყველაფერი იყო იურიდიულადაც და ფინანსურადაც აბსოლუტურად გამართული და სწორი. რა პერიოდზეც მე ვიყავი, ის პერიოდი ვიცი, იმ პერიოდზე გამოვრიცხავ არათუ დანაშაულს, გადაცდომასაც კი. საქართველოში, ალბათ, ადამიანს ყველაფრის მოლოდინი უნდა ჰქონდეს. ასეთი ისტორია აქვს, სამწუხაროდ, საქართველოს. მე არაფერს არ ველოდები იმიტომ, რომ ძალიან თეთრი ბრჭყვიალა ძაფით უნდა შეიკეროს, რომ რაიმე სამართლებრივი პრობლემა ნახონ მაგ პერიოდზე,“ – განაცხადა კახა დამენიამ.