ჩვენ აუცილებლად დავძლევთ რუსულ ოკუპაციას, საქართველო იქნება ერთიანი, ძლიერი და წარმატებული, – ამის შესახებ საქართველოს პრემიერ-მინისტრმა, მამუკა ბახტაძემ მუხათგვერდის ძმათა სასაფლაოზე განაცხადა.
როგორც ბახტაძემ აღნიშნა, საქართველოს ოკუპაცია არის ის ტკივილი, რომელიც ყველას უნდა აერთიანებდეს, მიუხედავად იმისა, რა განსხვავებული პოლიტიკური შეხედულებებიც არ უნდა ჰქონდეთ.
„ეს არის საერთო ეროვნული ტკივილი, გამოწვევა და დარწმუნებული ვარ, საქართველო დაძლევს ოკუპაციას. დღევანდელი დღე არის დიდი ტკივილი მოუშუშებელი იარა. ქედს ვიხრი ჩვენი გმირების ხსოვნის წინაშე. დღევანდელი დღე არის სიმბოლო იმისა, რომ ჩვენი ერის კონსოლიდაცია, მუხლჩაუხრელი ბრძოლა, მიზნების მიღწევა, რაც დაგეგმილია, ჩვენი მეგობარი ქვეყნების თანადგომა იქნება გარანტია იმისა, რომ ჩვენ აუცილებლად დავძლევთ რუსული ოკუპაციას და საქართველო იქნება ერთიანი, ძლიერი და წარმატებული“, – განაცხადა მამუკა ბახტაძემ.