20-21 ივნისის საქმეზე ბრალდებული ბეჟან ლორთქიფანიძე პატიმრობიდან გაათავისუფლეს.
ლორთქიფანიძის მიმართ აღკვეთის ღონისძიების სახე – პატიმრობა 5 ათას ლარიანი გირაოთი შეიცვალა.
„შსს მიერ წარდგენილ ბრალდებას არ ვეთანხმები, არ უარვყოფ, რომ იქ ვიყავი და შსს-ს მიერ გავრცელებულ კადრებში ნამდვილად მე ვარ, თუმცა ინტერპრეტაცია, რასაც სამინისტრო და პროკურატურა აკეთებენ, შორს არის სიმართლისგან, ამიტომ ბრძოლა გრძელდება. ახლა გამომიშვეს, გირაოს სახით 5 ათასი ლარი შემიფარდეს, მაგრამ სექტემბერში იქნება პროცესი და ბრძოლა გრძელდება სიმართლის დასამტკიცებლად. წარდგენილ ბრალდებას არ ვაღიარებ“, – აცხადებს ბეჟან ლორთქიფანიძე.
ბეჟან ლორთქიფანიძეს აღკვეთის ღონისძიებად საქალაქო სასამართლომ პატიმრობა 27 ივლისს შეუფარდა. ლორთქიფანიძე და კიდევ სამი პირი 20-21 ივნისს პარლამენტის წინ განვითარებულ მოვლენებთან დაკავშირებით ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით დააკავეს.