“მე გეტყვით მაგ ფილმის ავტორის ვინაობას – მთავარი რეჟისორები სააკაშვილი და პუტინი არიან“

„მე გეტყვით მაგ ფილმის ავტორის ვინაობას – მთავარი რეჟისორები სააკაშვილი და პუტინი არიან“, – ჟურნალისტი გია გაბრიჭიძე სოციალურ ქსელში ენმ-ის წევრ სალომე სამადაშვილს პასუხობს, რომლის განცხადებითაც ფილმის ავტორთა ვინაობა არ ხმაურდება.
„სალომე სამადაშვილმა „იმედის“ ეთერით გასული ფილმის ავტორის დასახელება მოითხოვა. მე გეტყვით მაგ ფილმის ავტორის ვინაობას, ქალბატონო სალომე, – მთავარი რეჟისორები სააკაშვილი და პუტინი არიან, პროდიუსერები კი – საქართველოს მაშინდელი ხელისუფლება სრული შემადგენლობით“.
ოპოზიცია აგვისტოს ომის თემაზე ტელეკომპანია „იმედზე“ გასულ ფილმს გამოეხმაურა. ენმ-ის წევრის, სალომე სამადაშვილის განცხადებით, ამ ფილმით ავტორებმა, რომელთა ვინაობაც არ ხმაურდება, რუსული დაკვეთა შეასრულეს. ოპოზიცია ფილმის ავტორის დასახელებას ითხოვს. სალომე სამადაშვილი მიიჩნევს, რომ ტელეკომპანია „იმედმა“ ფილმი  საქართველოს ხელისუფლების დაკვეთით მოამზადა.