„რუსთავი2“ ყველაფერს აკეთებდა რომ მაესტრო დაეზიანებინა და გაექრო ეკრანიდან – ამის შესახებ ტელეკომპანია „მაესტროს“ ყოფილმა დამფუძნებელმა მამუკა ღლონტმა სოციალურ ქსელში დაწერა.
მამუკა ღლონტმა FACEBOOK-ზე ტელეკომპანია „რუსთავი-2“ – ის ყოფილი სტაფი გააკრიტიკა.
„მოდი კიდევ ერთ მწარე სიმართლეს დავწერ, რომ არა რუსთავი 2 ის თავისუფალი სიტყვის ფლაგმანობა ამ ეტაპზე ალბათ ხმასაც არ ამოვიღებდი მაგრამ: მაშინ როდესაც მაესტრო მართლაც იყო თავისუფალი სიტყვის ფლაგმანი და ამხელდა სააკაშვილის გუნდის შეცდომებს (შეგახსენებთ ეს შეცდომები შემდეგ თავად აღიარეს) “რუსთავი 2” მეტწილად ამ შემადგელობით ყველაფერს აკეთებდა რომ მაესტრო დაეზიანებინა და გაექრო ეკრანიდან. ამგვარად სანამ შავზე ვიტყვით თეთრს და პირიქით, მანამ მინიმუმ არ უნდა გვიკვირდეს ის რაც ჩვენს თავს ხდება. პარტიული ანტი მედია “რუსთავი 2” და მედია ფსკერი იმედი აი ასეთი მოცემულობა იყო ბოლო დროს ჩვენს თავს და მიუხედავად იმისა რომ ორივე მედიაში ბევრი ჩემი მეგობარი მუშაობს (ღმერთმა ხელი მოუმართოთ) პირადად მე ნული პრობლემა.. გარდა ერთისა, ვერ დავარქმევ ანტი მედიებს, პარტიულებს და მედია ფსკერებს „თავისუფალი სიტყვის ფლაგმანებს“ და არც თქვენ გირჩევთ..“ – დაწერა მამუკა ღლონტმა.
გუშინ, 20 აგვისტოს, პაატა სალიას მიერ გამართულ ბრიფინგზე ცნობილი გახდა, რომ საინფორმაციო სამსახურის უფროსი, ნოდარ მელაძე სამსახურიდან გათავისუფლდა.
სალიას პრესკონფერენციის დასრულებისთანავე მან ჟურნალისტებთან კომენტარი გააკეთა და განაცხადა, რომ არხის ხელმძღვანელობის გადაწყვეტილების შესახებ პაატა სალიას ბრიფინგამდე რამდენიმე წუთით ადრე გაიგო.
არხიდან გათავისუფლებული ნანუკა ჟორჟოლიანი სოციალურ ქსელში პოსტს აქვეყნებს და წერს, რომ სამსახურიდან გაათავისუფლეს, რადგან ქიბარ ხალვაში არ უყვარს.
არხის გენერალურმა დირექტორმა, პაატა სალიამ განაცხადა, რომ სამსახურიდან კიდევ რამდენიმე თანამშრომელი გათავისუფლდება.
არხის მთავარმა ტელეწამყვანებმა დიანა ჯოჯუამ და მიშა სესიაშვილმა რუსთავი2 პირდაპირ ეთერში დატოვეს.
„სამართლიანი არჩევნების“ ხელმძღვანელი მიხეილ ბენიძე აცხადებს, რომ გასაკვირი არაფერია.
ნიკა გვარამია „რუსთავი2“-დან გათავისუფლებულ თანამშრომლებს ახალ არხზე ელოდება.
წყარო – primetime