14 წლის გოგონას მდგომარეობა, რომელიც ფონიჭალაში საცხოვრებელი კორპუსის მე-7 სართულიდან გადმოვარდა, მძიმეა. ამის შესახებ კლინიკა „ნიუ ჰოსპიტალსის“ მარკეტინგის ხელმძღვანელმა, ანი გოგიჩაძემ განაცხადა. მისივე განმარტებით, ბავშვს ოპერაცია უტარდება.
„გოგონას ჩაუტარდა კვლევები, გაეწია გადაუდებელი სამედიცინო დახმარება და შეიყვანეს საოპერაციოში. ბავშვს ამ წუთებშიც ოპერაცია უტარდება. მისი მდგომარეობა ამ ეტაპისთვის მძიმეა“,- განაცხადა გოგიჩაძემ.
შეგახსენებთ, რომ ფონიჭალაში, საცხოვრებელი კორპუსის მე-7 სართულიდან 14 წლის მოზარდი გადმოვარდა. შსს-მ მომხდარზე გამოძიება საქართველოს სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
კომენტარები