გურჯაანის მუნიციპალიტეტის სოფელ ველისციხეში სამართალდამცველებმა “კახური ტრადიციული მეურნეობის” ქარხანის სასწორზე კუსტარულად დამზადებული მოწყობილობა აღმოაჩინეს.
ქარხნის მიმდებარე ტერიტორიაზე პოლიცია იყო მობილიზებული. ადგილზე რამდენიმე საათის განმავლობაში, საგამოძიებო მოქმედებები მიმდინარეობდა. აღმოჩენილი მოწყობილობა მევენახეებისგან ყურძნის ჩაბარების დროს წონას ხელოვნურად ამატებდა. რის გამოც, კომპანიას ზარალი მიადგა და რამდენიმე საათის განმავლობაში ქარხანა პარალიზებული იყო. ქარხანამ ყურძნის ჩაბარების პროცესი დილიდან განაახლა.
შს სამინისტროს ინფორმაციით, მომხდართან დაკავშირებით, გამოძიება გუშინ, ქარხნის ადმინისტრაციის მიმართვის საფუძველზე, სისხლის სამართლის კოდექსის 180-ე მუხლით დაიწყო, რაც თაღლითობას გულისხმობობს.
კომენტარები