თბილისის მერმა კახა კალაძემ მთავრობის სხდომაზე ხმაურის კონტროლის თაობაზე ისაუბრა და აღნიშნა, რომ ამ მიმართულებით ინტენსიურად შემოდის მოქალაქეთა საჩივრები.
„დაახლოებით 250 ოქმია შედგენილი წლის განმავლობაში. ცხელ ხაზზე შეტყობინებები განსაკუთრებით ზაფხულის პერიოდში მატულობს ტურისტული სეზონის გამო, რადგან ღია კაფეები ინტენსიურად მუშაობენ და მოქალაქეებს ხმაური აწუხებთ. ჩვენთვისაც სიახლეა ეს მიმართულება, თუმცა აქტიურად დავიწყეთ მუშაობა და ვფიქრობ, დროთა განმავლობაში ამ საკითხს დავარეგულირებთ“, – განაცხადა დედაქალაქის მერმა.
კახა კალაძემ მიღწეული შედეგებისთვის მადლობა გადაუხადა მუნიციპალური ინსპექციის ხელმძღვანელს და მის თანამშრომლებს.
კომენტარები