„მთავარი არხის“ ერთ-ერთი მეწილე გიორგი რურუა გახდა. ამის შესახებ ინფორმაცია ტელეკომპანიის გენერალურმა დირექტორმა ნიკა გვარამიამ გააჟღერა.
„პრაიმტაიმმა“ სცადა გაერკვია, აქვს თუ არა გიორგი რურუას კომუნიკაციების კომისიაში ფინანსური გამჭირვალეობის წარდგენის შესახებ ვალდებულება.
აღმოჩნდა, რომ მას ფინანსური გამჭირვალეობის შესახებ ინფორმაციის წარდგენის ვალდბეულება არ აქვს, ეს ვალდებულება მოქმედებს მხოლოდ მაშინ, როდესაც ტელეკომპანიისთვის ავტორიზაციის მინიჭების საკითხი განიხილება. ვინაიდან ავტორიზაცია უკვე მინიჭებულია, შემდგომ შემსყიდველებზე ეს ვალდებულება აღარ ვრცელდება. რაც შეეხება ინფორმაციას წილის შესყიდვის შესახებ, ეს ინფორმაცია კომისიას უნდა მიეწოდოს საჯარო რეეესტრში ცვლილებების ასახვიდან 10 დღის ვადაში.
წყარო: „პრაიმტაიმი“
კომენტარები