თბილისის საქალაქო სასამართლოს მოსამართლემ “ნაციონალური მოძრაობის” წევრი, ნიკანორ მელია სხდომათა დარბაზიდან გააძევა. ამის მიზეზი მელიას მიერ მოსამართლესთან სიტყვიერი შელაპარაკება გახდა.
ნიკა მელია მოსამართლისგან ითხოვდა მისი ადვოკატის შუამდგომლობის გათვალისწინებას, მელიასთვის აღკვეთის ღონისძიების შეცვლასთან დაკავშირებით. ადვოკატის განცხადებით, მელიას თავდებში უდგებიან დეპუტატები, რომელთა ნაწილიც დღევანდელ სხდომას ვერ ესწრება, რადგან პარლამენტში უზენაესის მოსამართლეობის კანდიდატთან გასაუბრებაზე იმყოფებიან. ამის გამო ადვოკატმა სასამართლოს შუამდგომლობით მიმართა, რომ უკეთესი იქნება თუ აღკვეთის ღონისძიების გაუქმებაზე იმსჯელებს სასამართლო ან მის ალტერნატიულით შეცვლაზე.
მოსამართლის განცხადებით, ის ვერ გადაუხვევს პროცედურულ წესებს, მაგრამ გაითვალისწინებს ამ გარემოებას და საჭიროების შემთხვვევაში სხდომას დანიშნავს ისეთ დროს, როცა დეპუტატის თავმდებები სასამართლოში მისვლას შეძლებენ.
ამის შემდეგ მელიამ მოსამართლეს უთხრა, რომ ის გადაწყვეტილებებს სატელეფონო ზარების შემდეგ იღებს, რაც მოსამართლემ უარყო და მელიას უთხრა, რომ სასამართლო დარბაზიდან გააძევებდა თუ არ გაჩუმდებოდა, პარალელურად კი ჩაქუჩი დაარტყა რამდენჯერმე. ამაზე მელიამ მოსამართლეს უპასუხა: ჩინჩალაძეს, მურუსიძეს და თადუმაძეს დაურტყითჩაქუჩი”, რის შემდეგაც მოსამართლემ მელიას დარბაზი დაატოვებინა.