პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი, შს მინისტრს ორი პოლიციელის დაჯილდოების თხოვნით მიმართავს.
როგორც ირაკლი სესიაშვილი აცხადებს, გიორგი რომანიშვილმა და ბესიკ გულოშვილმა გმირობა ჩაიდინეს და საკუთარი სიცოცხლის რისკის ფასად ორი არასრულწლოვანი და-ძმა გადაარჩინეს.
”დღეს პატივი მქონდა შევხვედროდი ორ გმირ პოლიციელს, გიორგი რომანიშვილს და ბესიკ გულოშვილს, რომელთაც საკუთარი სიცოცხლის რისკის ფასად, სამაშველო ჯგუფის მოსვლამდე დაახლოებით 100 მეტრის სიღრმეში სარწყავ არხში შეცურეს და ორი არასრულწლოვანი და-ძმის სიცოცხლე გადაარჩინეს.
დარწმუნებული ვარ, შინაგან საქმეთა სამინისტრო სათანადოდ დააფასებს პოლიციელების გმირულ საქციელს. თუმცა, მე როგორც თავდაცვისა და უშიშროების კომიტეტის თავჯდომარე, მივმართავ შუამდგომლობით შინაგან საქმეთა მინისტრს, რომ გიორგი რომანიშვილი და ბესიკ გულოშვილი დაჯილდოვებული იყვნენ შესაბამისი უწყებრივი ჯილდოთი”, – აცხადებს ირაკლი სესიაშვილი.