ბირმინგემის პოლიციამ აღმოაჩინა სხეულის ნაწილები, რომლებიც გამოძიების თანახმად 3 წლის კამილა მაკქინის ეკუთვნის. გოგონას, რომელიც მეგობრის დაბადების დღის წვეულებიდან გაიტაცეს.
გამოძიების ინფორმაციით, 3 წლის ბავშვი გამტაცებლებმა ტკბილეულით გაიტყუეს.
ინფორმაციას The Mirror და CNN ავრცელებს. ბავშვი 12 ოქტომბერს გაიტაცეს.
პოლიციამ გოგონას გატაცებაში ეჭვმიტანილი ორი მამაკაცი, 39 წლის პატრიკ დევონ სთოლვორთი და 29 წლის დერიკ ირიშა ბრაუნი დააკავა. გამოძიების თანახმად, აღნიშნულ პირებს სავარაუდოდ ბავშვის მკვლელობისთვის წაუყენებენ ბრალს.
ბირმინგემის პოლიციის უფროსი პატრიკ სმიტი აცხადებს, რომ ოფიცრებმა ცხედრის ნაწილებს სანაგვე ურნაში მიაგნეს.
პოლიციას აქვს სათვალთვალო კამერის ჩანაწერიც, სადაც ბავშვის გატაცების ფაქტი ჩანს.
„კამილა აღარ არის. ბავშვი საკუთარ ოჯახს გასტაცეს. ის ტკივილი, რომელსაც ახლა ოჯახი განიცდის, წარმოუდგენელია. ჩვენ აუცილებლად აღვასრულებთ მართლმსაჯულებას და პასუხისგებაში მივცემთ იმ პირებს, ვინც ეს დანაშაული ჩაიდინა,“- აცხადებს ბირმინგემის მერი რენდალ ვუდფინი.
ექსპერტიზა მუშაობს იმის დასადგენად, ეკუთვნის თუ არა ნაპოვნი ცხედარი, დაკარგულ კამილას. მომხდართან დაკავშირებით გამოძიება გრძელდება.