თეა წულუკიანი სუმბაევის ადვოკატის განცხადებას ეხმაურება, რომელიც იუსტიციის მინისტრს ევროსასამართლოს მიერ გამოგზავნილ 15 ოქტომბრით დათარიღებული წერილის დამალვაში ადანაშაულებს.
იუსტიციის მინისტრი სუმბაევის ადვოკატს, ვანო ნორაკიძეს ტყუილის ტირაჟირებაში ადანაშაულებს. თეა წულუკიანი ამბობს, რომ აღნიშნული წერილი მას არ ეხება და ის არც ექსტრადიციის საკითხს შეიცავს. მისი თქმით, სუმბაევის ექსტრადირების თემა, 6 სექტემბრის წერილის თანახმად, უკვე დახურულია.
რუსი ჰაკერის იაროსლავ სუმბაევის ადვოკატი პროკურატურისგან თეა წულუკიანის მიმართ სისხლის სამართლის დევნას ითხოვს. უფლებადამცველის განცხადებით, საექსტრადიციო პატიმრობის შესახებ გადაწყვეტილება მინისტრის მხრიდან დაუსაბუთებელი და უკანონო იყო.
კომენტარები