ახალციხეში მაღაზია „ზუმერი“ გაქურდეს, მოპარულია ტექნიკა. ადგილზე ექსპერტ–კრიმინალისტები მუშაობენ.
“წაღებულია ტექნიკა, თუმცა ჯერ არ ვიცით ზუსტი რაოდენობა, ადგილზე მუშაობენ ექსპერტები, შემთხვევა დაახლოებით 04:00 საათზე მოხდა“ – ამბობს ზუმერის მენეჯერი, რიტა პარუნაშვილი.
შსს-ს ინფორმაციით გამოძიება სისხლის სამართლის კოდექსის 177-ე მუხლის მე-3 ნაწილის ა ქვეპუნქტით დაიწყო, რაც ჯგუფის მიერ ჩადენილ ქურდობას გულისხმობს.
“ზუმერი” ივლისშიც გაქურდეს, მაშინ მაღაზიიდან ტელეფონები მოიპარეს. სამართალდამცავებმა ქურდობის ფაქტი მალევე გახსნეს.
კომენტარები