ბათუმში პატრულის თანამშრომელი დაჭრეს. მას ცივი იარაღით მიაყენეს ჭრილობა. როგორც imedinews-ს ფაქტის თვითმხილველებმა განუცხადეს, პოლიციელმა სავარაუდო დამნაშავე გააჩერა რომელიც ალკოჰოლური თრობის ქვეშ იმყოფებოდა. პოლიციელი კლინიკაში გადაიყვანეს. შემთხვევის ადგილზე ექსპერტ-კრიმინალიტები მუშაობენ.
როგორც imedinews-ს შინაგან საქმეთა სამინისტროში განუცხადეს, ბრალდებული უკვე დაკავებულია. გამოძიება საქართველოს სისხლის სამართლის კოდექსის 353-ე პრიმა მუხლით მიმდინარეობს. სხვა დეტალები ამ დროისთვის უცნობია.
კომენტარები