პოლიციელის თავდასხმაში ბრალდებულს, შესაძლოა, უვადო პატიმრობა შეეფარდოს

ბათუმის საქალაქო სასამართლოში პოლიციელის დაჭრაში ბრალდებულის სასამართლო პროცესი მიმდინარეობს. მოსამარლე გიორგი გრატიაშვილი გადაწყვეტილებას რამდენიმე წუთში მიიღებს. იგი ბრალდებულის მიმართ აღკვეთი ღონისძიების შეფარდებაზე მსჯელობს.
პროკურორი ბრალდებულისთვის პატიმრობის შეფარდებას ითხოვს და ფიქრობს, რომ იგი საზოგადოებისთვის საფრთხეს წარმოადგენს. სახაზინო ადვოკატი, რომელიც ბრალდებულს იცავს, პატიმრობის აუცილებლობას ვერ ხედავს. პროცესს არ ესწრებიან პოლიციელის დაჭრაში ბრალდებულის ოჯახის წევრები. ადვოკატის თქმით,  ბრალდებულზე ფსიქოლოგიური ძალადობა განხორციელდა. მისივე განმარტებით, ბრალდებულის მიმართ წაყენებული ბრალი მძიმეა და საქმე არ შეესაბამება უვადო პატიმრობას.
პოლიციელის დაჭრის ფაქტზე დაკავებულს ბრალი წინასწარი მოთავსების იზოლატორში წარედგინა, მან დოკუმენტს ხელი არ მოაწერა. პროკურატურა სისხლის სამართლის კოდექსის 353-ე პრიმა მუხლით მიმდინარეობს, რაც პოლიციელზე თავდასხმას გულისხმობს.