ხორავას ქუჩაზე დავით სარალიძის მკვლელობაში მსჯავრდებულ გიორგი ჯანაშიასა და გუგა ბარბაქაძის სასამართლო პროცესი დასრულდა.
გიორგი ჯანაშიას, რომელსაც სააპელაციო სასამართლოს გადაწყვეტილებით უმძიმესი დანაშაულისთვის თავდაპირველად 11 წლითა და სამი თვით თავისუფლების აღკვეთა ჰქონდა მისჯილი, საპროცესო შეთანხმება გაუფორმდა. მას, საბოლოოდ, 8 წლით თავისუფლების აღკვეთა მიესაჯა, აქედან 4 წელს სასჯელაღსრულების დაწესებულებაში გაატარებს, დანარჩენი 4 კი პირობითი სასჯელი იქნება. იქიდან გამომდინარე, რომ ჯანაშიას 2 წელი უკვე მოხდილი აქვს, მსჯავრდებული საპატიმროს 2021 წელს დატოვებს.
რაც შეეხება კიდევ ერთ ბრალდებულ გუგა ბარბაქაძეს, მოსამართლეთა კოლეგიის გადაწყვეტილებით, უცვლელი დარჩა წინა ორი ინსტანციის მიერ მიღებული გადაწყვეტილება და მას 11 წლითა და 3 თვის ვადით აქვს თავისუფლების აღკვეთა შეფარდებული.