გივი თარგამაძე ფეისბუქის პირად გვერდზე ყოფილი “ნაციონალის” და ამჟამად “ახალი საქართველოს” ლიდერის გიორგი ვაშაძის ფოტოებს აქვეყნებს, რომლებზეც იგი “ქართული ოცნების” მთავრობის სახეებთან ერთადაა აღბეჭდილი. ერთ-ერთ ფოტოზე ვაშაძე “ქართული ოცნების” პოლიტსაბჭოს აღმასრულებელ მდივანთან ზვიად ჯანყარაშვილთან ერთადაა ასახული, კიდევ ერთ ფოტოზე კი ვაშაძე და ფინანსთა მინისტრი ნოდარ ხადური, მეუღლეებთან ერთად არიან. ამავე ფოტოებს პირად გვერდზე ავრცელებს “ნაციონალური მოძრაობის” კიდევ ერთი წევრი კობა სუბელიანი.
“გაშალა ფრთები ბიჭმა – აქეთ ჯანყარაშვილი, იქეთ ხადური, სიტკბო სუფევდა გუშინ გადაპორტირებური ბუკიას სასტუმროში ჩაქვში. პარტიის ანგარიშიც
ხოდა აბა ტარიელ ონიანის ბავშვის ნათლობაში პაატა ბურჭულაძე გაუკვირდებოდა? ან პაატას გაუკვირდება ეს სიტკბო? თუ ზურა ჯაფარიძე შეშფოთდება? ან პალიკო კუბლაშვილი, გოგი მელაძე, გოგა ხაჩიძე? როცა პირველადაც არაა ძნელი ღალატი, მერე მიდის შხუილშხუილით. ერთმანეთსაც რომ გაყიდით, არ გამომაპაროთ, პერსპექტიულებო…”, – წერს გივი თარგამაძე პოსტში.