მოსკოვში კრიმინალური ავტორიტეტის ვიაჩესლავ ივანკოვის, მეტსახელად “იაპონჩიკის” მკვლელობის საქმეზე მურთაზ შარანდია დააკავეს.
რუსეთის საგამოძიებო კომიტეტში აცხადებენ, რომ ეჭვმიტანილი იმ დანაშაულებრივი ჯგუფის წევრი იყო, რომელმაც ავტორიტეტის მკვლელობა განახორციელა. კერძოდ, შარანდიას ივანკოვზე თვალთვალი ევალებოდა.
გარდა ამისა, სამართალდამცავების თქმით, დაკავებულმა მოსკოვში მკვლელობის იარაღი ჩაიტანა. კრიმინალური ავტორიტეტი ვიაჩესლავ ივანკოვი მოსკოვში 2009 წელს ერთ-ერთი რესტორნიდან გამოსვლისას მძიმედ დაჭრეს, რამდენიმე თვის შემდეგ ის საავადმყოფოში გარდაიცვალა.
კომენტარები