საქართველოს პრემიერ-მინისტრი, გიორგი გახარია დაგვპირდა, რომ სახელმწიფო უმოკლეს ვადებში, 1-2 თვეში დიღომში შენობას შეიძენს და ინფექციურ საავადმყოფოს გადასცემს, – ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ განაცხადა.
“პრემიერისგან, ბატონ გიორგი გახარიასგან გვაქვს კატეგორიული გარანტია, რომ მათ ესმით ჩვენ ვინ ვართ, ჩვენი ღირებულება და საჭიროება ქვეყნისთვის და შეგვპირდა, რომ სახელმწიფო, შენობას უმოკლეს ვადებში, 1-2 თვეში შეიძენს დიღომში, ე.წ. სამედიცინო ინოვაციების ცენტრი ჰქვია, რომელიც კარგი, თერთმეტ სართულიანი შენობაა, ააშენა ერთ-ერთმა კერძო კომპანიამ და ახლა ყიდის. ამას იყიდის სახელმწიფო და გადმოგვცემს. ეს პირობა არის. ეს არის ძალიან კარგი გადაწყვეტა ამ საკითხის. მომავალში მარტო კარგ სერვისებზე და მარტო კვალიფიკაციაზე არ გვექნება საუბარი, ფიზიკური პირობებიც იქნება კარგი, თუ რატომ არ გაკეთდა ეს 7 წელი, ამაზე პასუხის გაცემა გვიჭირს”, – განაცხადა ცერცვაძემ.