მოსამართლემ, 20 ივნისის საქმეზე დაკავებულ სამივე პირს – კახაბერ კუპრეიშვილს, ცოტნე სოსელიასა და ზურაბ ბუდაღაშვილს, პირობითი მსჯავრი სამ-სამი წლით და 2000 ლარიანი გირაო შეუფარდა.
სასამართლომ სამივე პირი დამნაშავედ ცნო.
ბრალდებულებმა სასამართლო სხდომაზე განაცხადეს, რომ ისინი მომხდარის გამო, თავს დამნაშავედ გრძნობდნენ.
20 ივნისის საქმეზე დაკავებული 19 პირიდან სახელმწიფო ბრალდებას მხოლოდ ბესიკ თამლიანი არ ეთანხმება. მისი საქმე გამოეყო კახაბერ კუპრეიშვილის, ზურაბ ბუდაღაშვილის და ცოტნე სოსელიას საქმეს, რომლებმაც ბრალდების მიერ წარდგენილი მტკიცებულებები უდაოდ ცნეს, რაც მათთან საპროცესო შეთანხმების გაფორმების საფუძველი გახდა.
კომენტარები